Бүгін Есіл ауданының әкімі Серік Балжанов кезекті аппараттық кеңес отырысынан соң аймақ экономикасын дамытуға үлес қосып келе жатқан тұлғаларды марапаттады,-деп хабарлайды «Aqmola News» АА.
Әкіімдіктің мәжіліс залында марапаттау рәсімі өткізілді.
Бұған дейін «Заречный» ЖШС директоры Әріпов Уәлихан Сапиұлы мен Заречный ауылдық округінің әкімі Милюк Наталья Казимировна «Халықаралық бизнес және мансапты дамыту институтының» арнайы дипломы мен «еңбегі үшін» орденіне ие болған еді.
Сонымен қатар еңбек нарығындағы көпжылдық тәжірбиесі үшін есімі әлемнің үздік еңбек адамдары топтастырылған халықаралық энциклопедияға енгізілді.
Сонымен қатар аппараттық кеңестің күн тәртібінде дала өртінің алдын алу, аймақтағы денсаулық сақтау саласын дамыту сияқты мәселелер қаралды.
Кеңес қорытындысы бойынша аудан әкімі дербес бөлім басшыларына, ауыл, ауылдық округ әкімдеріне нақты тапсырмалар берді.
