Щучинск қаласында кеше кешкісін «Шкода супер Б» сақиналы жолда рөлге ие бола алмай BURABAI WELKOM жарнамалық жазуын күл-талқан етті. Жүргізуші әкімшілік жауапқа тартылды, деп хабарлайды «Aqmola News» облыстық Полиция департаментінің баспасөз қызметіне сілтеме жасап.
«Шкода Супер Б» көлігінің автожолдың 16 шақырымында айналма жолдан өте бергенде көліктің дөңгелегі жарылған. Салдарынан жүргізуші көлікті басқара алмай «WELKOM BURABAI» жарнамалық жазуына соғылған. «Жол-көлік оқиғасы салдарынан зардап шеккендер мен қаза болғандар жоқ, автокөлікке техникалық зақым келді», – деді ведомстводан.
1986 жылғы жүргізушіге қатысты Әкімшілік құқық бұзушылық кодекстің 610 бабының 1-ші бөлігі «көлiк құралдары жүргiзушiлерінiң жол жүрісі қағидаларын адамдардың денсаулығына зиян келтiруге, көлiк құралдарының немесе өзге де мүлiктiң бүлінуіне алып келген бұзушылығы» бойынша әкімшілік хаттама толтырылды.
