Көкшетауда жыл соңына дейін 16 тұрғын үйді пайдалануға беру жоспарланған. Бұған дейін аймақта 74 мың шаршы метр баспана салынып, үлестірілді. Бұл туралы ӨКҚ-де өткен брифингте қала басшысы Бауыржан Ғайса айтты,-деп хабарлайды «Aqmola News»АА.
Бұл аталған 74 мың шаршы метрдің 26 – ы – жеке тұрғын үй, 48-ден астамы-коммерциялық. «Нұрлы жер» бағдарламасы аясында қаланың құрылыс бөлімі 21 тұрғын үй нысанының құрылысын жүргізуде. Жалпы ауданы – 67 мың шаршы метрден астам, құны-тоғыз миллиард теңгеге жуық», – деді қала басшысы.
Жыл соңына дейін Көкшетау қаласында тағы 16 тұрғын үй пайдалануға беріледі.
Оның жалпы ауданы – 30 мың шаршы метрден астам.
«Елімізде құрылыс материалдары бағасының өсуіне алаңдаушылық бар. Бұл өз кезегінде құрылыс саласына кері әсерін тигізіп, нысандарды тапсыру мерзіміне әсер етуде», – деді әкім.
