Ақмола облысында 7-11 маусым аралығында «Автобус» жедел-алдын алу шарасы басталады,-деп хабарлайды «Aqmola News» ақпарат агенттігі.
Іс шараның мақсаты – жолаушылар мен багажды тасымалдауды жүзеге асыратын жүргізушілер арасында көлік тәртібін арттыру, техникалық ақаулы немесе қайта жабдықталған жолаушылар көлігін пайдалану фактілерін анықтау, сондай-ақ заңсыз жолаушылар тасымалының жолын кесу.
Жылдамдық режимін, басып озу, қарсы жүріп өту, маневр жасау, жол қиылыстары мен жаяу жүргіншілер өткелдерінен өту, мас күйінде автокөлікті басқару, сондай-ақ қоғамдық көлік жүргізушілерін рейс алдында медициналық тексеруден өткізу ережелерін сақтауға ерекше назар аударылатын болады.
Ақмола полицейлері жүргізушілер мен жаяу жүргіншілерді жол ережесін сақтауға шақырады.
