Ақмола облысының Полиция департаменті ағымдағы жылдың 5 маусымында Қазақстан Республикасының аумағында коронавирустық инфекцияның пайда болуы мен таралуына жол бермеу жөніндегі ведомствоаралық комиссияның жол жүру құжаттарының, тұруға ықтиярхаттардың, ҚР визаларының, уақытша тұруға рұқсаттардың қолданылу мерзімі аяқталған немесе әкімшілік жауапкершілікке тартылмай аяқталатын шетелдіктердің шығуын заңдастыратын және рұқсат ететін шешімінің қолданысы аяқталатынын еске салады.
Сонымен бір мезгілде шетелдіктердің шығарып жіберу туралы сот шешімін өз бетінше орындау мерзімдерінің өтуі қайта басталады.
Осыған байланысты, өзінің құқықтық мәртебесін реттемеген шетелдіктерге көрсетілген мерзімге дейін ҚР аумағынан тыс шығу немесе Қазақстан Республикасының қолданыстағы заңнамасына сәйкес тиісті санаттағы уақытша тұруға рұқсатты (визаны) ресімдеу қажет.
