Тоқаев Өндіруші салалардағы мәселелер жөніндегі жаһандық дөңгелек үстел отырысында бейнеүндеу жасайды, деп хабарлайды «Aqmola News».
Бұл туралы Президенттің баспасөз хатшысы Берік Уәли Facebook парақшасында жариялады.
«Бүгін Нұр-Сұлтан қаласының уақыты бойынша шамамен сағат 20:00-де Мемлекет басшысы Қасым-Жомарт Тоқаев Өндіруші салалардағы мәселелер жөніндегі жаһандық дөңгелек үстел отырысында бейне үндеу жасайды. Мемлекеттер мен үкіметтер басшылары деңгейіндегі бұл виртуалды форум БҰҰ Бас хатшысы Антониу Гутерриштің бастамасымен өтеді.
Жиынның тікелей көрсетілімін БҰҰ-ның http://webtv.un.org веб-сайтынан көруге болады», – деп жазды Берік Уәли.
