2021 жылғы 9 мамырда сағат 02.01-де Көкшетау қ.ПБ кезекші бөліміне жедел жәрдем диспетчерінен қалалық ауруханаға «ішек жарақатымен іш қуысының пышақ жарақаты» диагнозымен 39 жастағы ер адамның жеткізілгені туралы телефон хабарламасы келіп түсті. Оқиға орнына келген тәртіп сақшылары зардап шеккен адамның мас күйде екенін және онымен кім болғанын айта алмайтынын анықтады,-деп хабарлайды «Aqmola News» ақпарат агенттігі Ақмола облысы ПД баспасөз қызметіне сілтеме жасап.
Жедел-іздестіру іс-шаралары барысында тәртіп сақшылары өз кінәсін мойындаған жәбірленушінің 47 жастағы досын анықтап, ұстады.
Ол ішімдік ішу кезінде ауызша жанжал нәтижесінде досына пышақ жарақатын салғанын, содан кейін оған медициналық көмек қажет екенін айтты.
Аталған факті бойынша тәртіп сақшылары ҚР ҚК 106-бабы «Денсаулыққа қасақана ауыр зиян келтіру» бойынша сотқа дейінгі іс бастады.
