Әлемнің жеті мемлекетінен үш жүзге тарта адам қатысқан турнирде ақмолалық спортшы жүлдегерлер қатарынан көрінді. Ол бес кездесу өткізіп, қола жүлдені қанжығасына байлады, деп хабарлайды «Aqmola News».
Грек-Рим күресінен жастар арасында Елордада өткен халықаралық турнир қазақтан шыққан тұңғыш олимпиада чемпионы Жақсылық Үшкемпіровты еске алуға арналды.
Үздікті анықтауға Қазақстан, Қырғызстан, Өзбекстан, Тәжікстан, Грузия және Украинаның 280 балуандары бақтарын сынасқан.
Ел намысын қорғаған ақмолалық спортшы Азиз Касымов бес кездесу өткізіп, оның төртеуінде жеңіс тұғырынан көрінді. 1/16 және 1/8 ширек финалдарында қырғызстандық қарсыластарын тізе бүктірсе, ¼ финалда отандасынан басым түсті. Алайда ½ финалда Күржі елінен келген өкіліне есе жіберді. Осыдан кейін қола үшін болған тартысты кездесуде отандасынан айласын асырды. Сөйтіп, үшінші орынды еншіледі», – дейді Дене шынықтыру және спорт басқармасының баспасөз хатшысы Махаббат Большина.
