Ақмолалық оқушы Бектұрған Бақмұхаммед Төкен Омаров атындағы Республикалық ғарыштық физика мен астрономиядан ғылыми жарыстың жүлдегері атанды,-деп хабарлайды облыстық білім басқармасының баспасөз қызметі.
Алматы қаласындағы «Бөбек» ҰҒПББСО Обсерваториясының ұйымдастыруымен 2021 жылғы 18-25 сәуір аралығында мектеп оқушыларына арналған Төкен Омаров атындағы Республикалық ғарыштық физика мен астрономиядан ғылыми жарыс өткізілді.
Ғылыми жарыстың негізгі мақсаты: жаратылыстану білімдерін насихаттау, астрономия және онымен байланысты ғылымдарға ғылыми жол табу.
«Облысымыздан аталған жарысқа экология және космонавтика секциясы бойынша қатыстым. Жобаның тақырыбы: «Зымыран – тасығыштарды қоршаған ортаға зиянсыз ғарыш кеңістігіне шығару әдістерін зерттеу» – деп бөлісті Нұр-Сұлтан қаласы, дарынды балаларға арналған №2 облыстық мамандандырылған мектеп-интернатының 10-сынып оқушысы Бектұрған Бақмұхаммед.
Республикалық ғарыштық физика мен астрономиядан ғылыми Жарыстың қорытындысы бойынша Бектұрған Бақмұхаммед жүлделі III дәрежелі дипломмен марапатталды.
