Синоптиктер сейсенбі, яғни 27 сәуірге арналған ауа райы болжамын жариялады, деп хабарлайды «Aqmola News» «Қазгидромет» РМК баспасөз қызметіне сілтеме жасап.
«Қазақстан аумағының басым бөлігінде антициклонның батыс жотасы әсерінен жауын-шашынсыз ауа райы болуы мүмкін. Республиканың солтүстік жартысында атмосфералық фронталды бөліктердің өтуіне байланысты кей жерлерде жаңбыр жауады, найзағай соғады. Республиканың кей жерлерінде желдің күшеюі сақталады, солтүстікте тұман түседі», – делінген хабарламада.
Қостанай облысының кей жерлерінде тұман болады, жел 15-20 м/с күшейеді.
Ақмола, Жамбыл, күндіз Қызылорда, Маңғыстау, Атырау, Батыс Қазақстан, Ақтөбе, Солтүстік Қазақстан, Павлодар, Қарағанды облыстарының кей жерлерінде жел 15-20 м/с жетеді.
Маңғыстау облысында шаңды дауыл соғады.
Алматы облысының Алакөл аумағында жел 15-20 м/с дейін жетеді.
