16 сәуір күні атмосфералық фронтальды бөліктердің өтуіне байланысты республиканың оңтүстігі мен батысында жаңбыр жауып, найзағай ойнайды. Кей жерлерде тұман түсіп, екпінді жел соғады, деп хабарлайды «Aqmola News» «Қазгидромет» РМК баспасөз қызметіне сілтеме жасап.
Солтүстік Қазақстан облысында тұман түсіп, желдің екпіні секундына 15-20 метрге дейін жетеді.
Түркістан облысында найзағай ойнап, секундына 15-20 метр жел соғады.
Жамбыл облысында жел секундына 15-20 метрге күшейеді. Солтүстік Қазақстан, Павлодар облысында – тұман, күндіз жел секундына 15-20 метрге дейін жетеді.
Алматы облысы мен Алакөл көлдері аймағында жел секундына 15-20 метрге дейін жетіуі мүмкін.
Қостанай, Маңғыстау, Атырау облыстарында түнде және таңертен кей жерлерде тұман түсіп, найзағай күтіледі.
Сондай-ақ Нұр-Сұлтанда күн бұлтты болады. Түнде ауа температурасы: 0 +2°C, күндіз: +13- +15°C болады. Желдің жылдамдығы секундына 3-8 метр жетеді.
Алматыда бұлтты ауа райы қалыптасып, температура түнде +10 +12°C, күндіз +22 +24°C. Желдің жылдамдығы секундына 0-5 метр жетеді.
Шымкентте күн райы жауын-шашынды болады. Желдің екпіні секундына 8-13 метрге жетеді, ауа температурасы түнде +8 + 10°C, күндіз +22 +24°C болады.
