Көкшетауда үш көліктің соқтығысуымен жол апат орын алып, бір адам көз жұмды, деп хабарлайды Aqmola News ақпарат агенттігі Ақмола облыстық ПД баспасөз қызметіне сілтеме жасап.
Таратылған ақпаратқа қарағанда жол апаты сәуірдің 6-да түнгі сағат 22:00 шамасында Көкшетау қаласының Н.Назарбаев даңғылында орын алған.
Ниссан, Лада және Гольф көліктерінің соқтығысуы салдарынан Лада-гранта көлігінің жолаушысы әйел адам оқиға орнында көз жұмды.
Қазіргі кезде оқиғаның мән-жайы анықталу үстінде. Айта кетейік, жол апаты туралы ақпарат әлеуметтік желі де тарады. Онда жол апат Н.Назарбаева даңғылының бойында Теннис орталығының маңында орын алғаны айтылған.
