Ақмола облысында тауық жұмыртқасын сатушы қос ірі жеткізушілер өзара келісім жасау белгісі анықталды. Олар өзара ымыраласып бағаны заңсыз түрде көтеріп жіберген, деп хабарлайды «Aqmola News».
Жұмыртқа өндіруші әрі көтерме бағада жеткізуші қос компания бағаны келісіммен аспандата көтеріп, нарықта сол күйі ұстап тұрған. Олардың бұл әрекеті Ақмола облысының бәсекелестікті қорғау және дамыту жөніндегі агенттік департаментімен анықталды.
«Тауық жұмыртқасын көтерме бағада жеткізушілер қыркүйек айынан бастап ай сайын бір мезетте айына 25 пайызға дейін бағаны көтеріп отырған», – деді ведомствоның баспасөз қызметінен.
Қазақстан Республикасының кәсіпкерлік кодексінің 199 бабының талаптарына сәйкес жұмыртқа көтерме бағада жеткізуші қос компанияға олардың әрекетінде бәсекелестік заңнамасының бұзылу фактілерінің анықталғаны туралы хабарлама жолданған. Ал хабарламаны орындамау одан әрі тергеуге нақты негіздеме болып табылады.
Сондай-ақ...оқыңыз
- Жарнама -
Ұқсас мақалалар
- Жарнама-