15 наурыз күні Қазақстан аумағында ауа райы қандай болатыны белгілі болды, деп хабарлайды «Aqmola News» «Қазгидромет» РМК баспасөз қызметіне сілтеме жасап.
Қазақстан территориясының басым бөлігіне антициклон әсер етеді. Осыған байланысты жауын-шашын жаумайды. Тек оңтүстікте және шығыста атмосфералық фронттардың өтуіне байланысты тұрақсыз ауа райы сақталады: кей жерлерде жауын-шашын жауады, боран соғып, көктайғақ болады, жел күшейеді. Кей жерлерде тұман түседі.
Қызылорда, Атырау, Батыс Қазақстан, Қостанай, Павлодар, Қарағанды, Шығыс Қазақстан облыстарының кей жерлерінде тұман түседі.
Шығыс Қазақстан облысының кей жерлерінде жаяу бұрқасын соғады.
Күндіз Маңғыстау облысының кей жерлерінде желдің екпіні 15-20 м/с жетеді.
Алматы облысының кей жерлерінде тұман түсіп, көктайғақ болады. Түнде кей жерлерде жел қарқыны – 15-20 м/с.
Түркістан, Жамбыл облыстарының кей жерлерінде – тұман, көктайғақ, боран. Кей жерлерде жел жылдамдығы 15-20 м/с дейін күшейеді.
