Бүгін Көкшетау-Атбасар автожолында ірі жол көлік апаты орын алды. Құқық қорғау органдарының өз дереккөзінің мәліметінше, оқиға орнында екі адам көз жұмды,-деп хабарлайды «Aqmola News» ақпарат агенттігі.
Дегенмен бұл туралы әзірге ресми ақпарат берілген жоқ.
Облыстық полиция департаментінің баспасөз қызметі хабарлағанындай Зеренді бағытындағы автожолында «Toyota Camry» және»Ваз-21015″ маркалы автокөліктері соқтығысқан.
Оқиға орнында жедел-тергеу жұмыстары жүргізілуде. Оқиғаның мән-жайы кейінірек сайтымызда жарияланатын болады.
Ағымдағы жылдың 18 ақпанында Ақмола облысының аумағында күрделі метеорологиялық жағдай қалыптасты.
Осыған байланысты жол қызметтері полиция департаментімен және ТЖ Департаментімен бірлесіп Республикалық және облыстық маңызы бар автожолдардағы көлік құралдарының қозғалысын жабу туралы шешім қабылдады.
Құтқарушылар облыс тұрғындары мен қонақтарын елді мекендерден тыс жерлерге шықпауды сұрайды.
Сондай-ақ, ауа райы жағдайлары мен трассалардың жабылуы туралы «Дәрмен» мобильді қосымшасын жүктеу арқылы немесе 1403 нөмірі бойынша біле аласыз.
