Ауа райының күрт бұзылуына байланысты Ақмола облысының республикалық маңызы бар бірқатар күре жолдар жабылды, деп хабарлайды «Aqmola News» Ақмола облысы төтенше жағдайлар департаментінің баспасөз қызметіне сілтеме жасап.
Ақ түтек бораннан жолда түк көрінбей кеткеніне байланысты бүгін 10:45-тен бастап жолдар жабыла бастаған.
ТЖД мәліметі бойынша «Қостанай-Әулиекөл-Сұрған» автожолы (232-260 шақырымындағы Қостанай облысы мен Сұрған кенті шекарасы), «Жезқазған Әулиекөл» (377-595 шақырым Сұрған-Бұзылық кенті) және «Жақсы-Есіл-Бұзылық» (63-82 шақырымы Жақсы кенті мен Бұзылық кенті) республикалық маңызы бар автожол учаскелерінде көліктің барлық түрлері үшін жол қозғалысы жабылған.
