Сандықтау ауданына жаңа әкім тағайындалды. Жауапты қызметке Ербол Жүсіпбеков лайық деп танылыпты, деп хабарлайды «Aqmola News».
Сандықтау ауданы әкімінің баспасөз қызметінің хабарлауынша 1965 жылы туған Ербол Кәрімұлы Жүсіпбеков Ақмола облысы, Зеренді ауданы, Красный Яр селосының тұрғыны. Целиноград ауыл шаруашылығы институтын тәмамдаған.
Оқу орнын бітірген соң еңбек жолын «Чистопольский» совхозында зоотехник-селекционер маманы болып бастаған. Соңғы жылдарда түрлі жауапты лауазымдарда қызмет атқарған. Садовое ауылдық округының әкімі, жер қатынастары бөлімінің басшысы, «Қылшақты» жауапкершілігі шектеулі серіктестігінің директоры, Зеренді селолық округының әкімі, Зеренді ауданы ауыл шаруашылығы және жер қатынастары бөлімінің басшысы, Зеренді ауданы әкімінің орынбасары қызметтерін атқарған.
