Иранда алдағы күндері коронавирусқа қарсы екпе егу басталады. Бұл туралы Иран президенті Хасан Рухани мәлімдеді, деп хабарлайды «Aqmola News» ИРНА агенттігіне сілтеме жасап.
«Барлық ұйымдар коронавирусқа қарсы вакцинацияға дайындалды және вакцинаның алғашқы топтамасы елге жеткізілді», – деді ол коронавирусқа қарсы ұлттық штабтың отырысында.
Оның сөзінше, елде коронавирусқа қарсы вакцина егу 10 ақпанға дейін басталады.
Бірінші болып дәрігерлер, медицина қызметкерлері, қарттар мен тұрғындардың осал топтарына екпе жасалады.
Иранда қазіргі күнге дейін 1 млн 452 мың 380 адам коронавирус жұқтырды, оның 58 336-ы қайтыс болды.
