Биыл Ақмола облысында жергілікті және республикалық маңызы бар жолдарды жөндеуде көлемді жұмыс жүргізілмек. Өңірдегі жол тораптарына күрделі және орташа жөндеу, жаңадан жолдар салу көзделген, деп хабарлайды «Aqmola News» Қазақстан Республикасының индустрия және инфрақұрылымды даму министрлігіне сілтеме жасап.
Оның ішінде Екатеринбург-Алматы бағытындағы республикалық маңызы бар автожолға , Жақсы-Бұзылы-Есіл учаскесіндегі көпірді күрделі жөндеу және Ресеймен шекара тұсында автоматтандырылған таразы қондырғысы орнату және жобалық-сметалық құжаттама жасау жоспарланған. Мұнымен қоса Ресей Федерациясымен шекара трассасында орташа жөндеу жұмыстарын жүргізу және Шортанды кентіне таман техникалық қызмет көрсету станцияларын орналастыру көзделіпті.
«Облыстық жолдарда Атбасар-Сочинское, Есіл-Свободное-Раздолное және Садовое селолық округының Заречное селосында үш көпір құрылысы жоспарланды. Құрылыс компанияларымен Екатеринбург-Алматы-Түрген-Константиновка-Белоярка-Новый Колутон-Ақкөл-Азат-Минское, Атбасар-Қима-Жақсы-Державинск, Зеренді-Красный Кордон-облыс шекарасы, Бұзылық-Алматы тас жолдары учаскелерінде орташа жөндеу жұмыстары өткізілмек, – деді министрліктен.
Жалпы өңірде автомобиль жолдарының жалпы ұзындығы 7940 шақырым, олардың ішінде республикалық жолдар 2314 ал жергілікті жолдар 5626 шақырымды құрайды.
