Ақмолалық баскетбол команда өздеріне жүктелген міндетті абыроймен орындап, елдің басты чемпионатында қоржынға алтын медаль салды, деп хабарлайды «Aqmola News» Ақмола облысының дене шынықтыру және спорт басқармасының баспасөз қызметіне сілтеме жасап.
Щучинск қаласында өткен Қазақстан Республикасының 2004-2005 жылы туған әйелдер командасы арасында өткен қысқы чемпионат өзінің мәресіне жетті. Алаңда тартысқа түскен 9 команда өзара мықты анықтады. Чемпионат қорытындысы бойынша Қажымұқан атындағы №3 олимпиялық резервтегі облыстық мамандандырылған балалар және жасөспірімдер спорт мектебінен құрылған команда чемпион атанды. Екінші орын елордалық баскетболшылар иеленсе, үштікті Батыс Қазақстан облысынан келген команда түйіндеді.
Ойынның үздік ойыншысы болып, ақмолалық спортшы Камила Аманжолова танылды. Спортшылар Татьяна және Виктория Волкованың басшылығымен жаттығуда.
