Көкшетаулық былғары қолғап шебері Дина Жоламан Х халықаралық Ұлттар кубогын жеңіспен бастады, деп хабарлайды «Aqmola News».
Бұл туралы Ақмола облысы дене шынықтыру және спорт басқармасының баспасөз хатшысы Махаббат Большина хабарлады.
Әлем чемпионы атанған жерлесіміз қазір Сербияда өтіп жатқан турнирге қатысуда.
«54 келіге дейінгі салмақ дәрежесінде ақмолалық спортшы Словакиядан келген қарсыласын тізе бүктіріп, жартылай финалға жолдама алды», – деп жазды Махаббат Большина.
Ал бүгін қазақстандық тағы бір бокс шебері Жансая Балтабекова 64 келі салмақ дәрежесінде бағын сынайды.
