Ақмола облысында жолда қалған 40-тан астам адам құтқарылып, көмек көрсетілді,- деп хабарлайды «Aqmola News» тілшісі облыстық ТЖД баспасөз қызметіне сілтеме жасап.
Ведомствоның мәліметінше, Астрахан ауданының құтқарушыларына «Екатеринбор-Алматы» республикалық маңызы бар автомобиль жолында автобус жолда қалды деген хабарбарлама түскен.
«Айтылған жерге жеткен құтқарушылар мен жергілікті атқарушы органдардық қызметкерлері автобуста болған 43 жолаушыны (оның 8 бала) эвакуациялап, Новочеркаск ауылындағы жылыту пунктіне орналастырды. Жолаушылар медициналық көмекке жүгінген жоқ», – деді ведомстводан.
Қыс айларында Ақмола облысында республикалық және жергілікті автокөлік жолдарының қауіпті учаскелерінде 257 жылыту пункті жұмыс істейді.
Еске сала кетейік, Ақмола облысында бір аптадан астам уақыт бойы ауа температурасы минус 37 градус аязды көрсетіп тұр. Осыған байланысты 7 қаңтардан бастап, қоғамдық және дизель отынымен жүретін көліктердің жолға шығуына тиым салынып отыр.
