Аршалы ауданында жиырма жастағы жас жігіт өз-өзіне қол жұмсап көз жұмды, деп хабарлайды «Aqmola News» Ақмола облысының полиция департаментінің баспасөз қызметіне сілтеме жасап.
Полицияның мәліметінше жас жігіттің үй алдындағы қора-жайларда асылып қалғанын жігіттің анасы көрген.
«Аршалы ауданында 2000 жылы туған жігіт асылып қалды. Қазіргі уақытта оның қандай себеппен өз өмірімен қоштасқаны белгісіз. Сот медициналық сараптамасы тағайындалды. Тексеріс барысында ешқандай зорлық белгілері байқалмады. Полиция қызметкерлері тергеу амалдарын жүргізеді», – дейді Ақмола облысы полиция департаментінің баспасөз қызметінің жетекшісі Гүлнәр Пинчук.
Қазір тергеу амалдары жалғасып жатыр.
