«Сары-Арқа» магистральді газ құбырын салу жобасына Ақмола облысының бірқатар аудандары кіреді

Сары-Арқа” магистральдық газ құбырын тарту үш кезеңге жоспарланған. Бұл жобаға сәйкес, Көкшетау мен Щучинск-Бурабай куроттық аймағын қоса алғанда, Ақмола облысының негізгі бөлігін газдандыруға мүмкіндік бермек деп хабарлайды “Aqmola News”.
⠀
“Сары-Арқа” магистральдық газ құбырын салу жоспарына сәйкес, өңірдегі жүріп жатқан газдандыру жұмыстары туралы ӨКҚ-де өткен брифингте айтылды.
⠀
Жер қатынастары басқармасының жетекшісі Алмагүл Кадралинаның айтуынша, 2018-2019 жылдарды қамтитын қаулыларда жалпы ауданы 267,1 гектар аумаққа газ құбырларын тарту қарастырылған.
⠀
Спикердің сөзінше, жоспарға сәйкес, бірінші кезең Аршалы, Целиноград, және Шортанды аудандарын қамтыса, екінші кезең Нұр-Сұлтан-Көкшетау автомобиль жолының бойында орналасқан аудандардың аумағы бойынша жүзеге асырылмақ.
⠀
2020 жылғы 28 тамызда Шортанды, Ақкөл, Бұланды, Бурабай, Зеренді, аудандарының аумағында жалпы алаңы 12 516,8 гектар жерді резервке қою туралы қаулы қабылданды,-деді брифинг барысында Алмагүл Каддралина.
⠀
Еске сала кетсек, “Сары -Арқа” магистральдық газ құбырын салу мемлекет басшысының тапсырмасына сәйкес, Халықаралық қаржы ұйымдарын тарта отырып жүзеге асырылатын жоба.
⠀
Бұл жобаға негізінен, Нұр-Сұлтан қаласы, ҚР орталық және солтүстік өңірлері кіреді.
⠀
“Қызылорда-Жезқазған-Қарағанды-Теміртау-Нұр-Сұлтан” бағыты бойынша газ құбырын салу жұмыстары жүргізілуде.