Көкшетау қаласында 11 адам газ балалонының жарылып кетуі салдарынан зардап шекті. Көпқабатты үйлердің бірінде болған жарылыстан ауыр жарақат алған 6 бала облыстық балалар ауруханасына жедел жатқызылды,-деп хабарлайды «Aqmola News» Төтенше жағдалар Департаментіне сілтеме жасап.
Ведомствоның мәліметінше, оқиға екі отбасы тұратын бірінші қабаттағы пәтерде орын алған. .
«Пәтер қожайыны 4 литрлік газ балонын далаға алып шыққан. Айта кету керек, негізінде көпқабатты үй орталықтандырылған газ жүйесіне қосылған. Соған қарамастан не себепті газ балоны қойылғандығы анықталуда,-делінген хабарламада.
Сонымен қатар екі адамды жедел жәрдем көлігімен облыстық ауруханаға жеткізді.
Департаменттің баспасөз қызметі мәлімдегендей, зардап шеккен балалардың бірі екінші дәрежедегі күйік жарақатын алған Сабинаның емі үшін қаражат жинау қажеттігі айтылды.
Сабинаның мамасының реквизиттері:
Каспи Голд +7 747 581 96 70 нөмірі бойынша
Құтқарушылар газ балонын суықтан жылы жерге кіргізуге болмайтындығын ескертеді. Сол себепті күрт кеңею пайда болып, нәтижесінде жарылыс орын алады.
