13 желтоқсанда Қазақстан аумағына Ұлыбритания, Германия, Мальдив, Мысыр, Түркия, БАӘ, Ресей, Украина, Қырғызстан және Өзбекстан елдерінен 20 халықаралық әуе рейсімен 2 734 жолаушы келген. 2 253 адамда ПТР-тестілеудің теріс нәтижесі бар анықтама болса, 481 адам анықтамасыз келген. Олардың бәрі – Қазақстан азаматтары. Бұл туралы Санитариялық-эпидемиологиялық бақылау комитеті хабарлайды.
Атап айтқанда:
- Алматы әуежайына – 11 рейс (1 639 жолаушы, анықтамамен – 1 402, анықтамасыз – 237);
- Нұр-Сұлтан әуежайына – 6 рейс (1 059 жолаушы, анықтамамен – 815; анықтамасыз – 244);
- Қарағанды әуежайына – 2 рейс (30 жолаушы анықтамамен келген).
- Ақтау әуежайына – 1 рейс (6 жолаушы анықтамамен келген).
Анықтамасыз келген Қазақстан азаматтары келген жері бойынша ПТР-талдау әдісімен тестілеуден өтіп, карантиндік стационарларда нәтижесін күтуде. Бір күн бұрын, 12 желтоқсанда анықтамасыз келген 243 адамның ПТР сынамалары теріс нәтиже көрсетті.
