Бейсенбі күн еліміздің кей өңірінде қар жауады. Оңтүстікте және оңтүстік-шығыста қар түрінде жауын-шашын болады. Бұл туралы «Қазгидромет» РМК баспасөз қызметі хабарлады.
Сондай-ақ республиканың батысында күн ашық, жауын-шашын жаумайды. Кей жерлерде тұман түседі, жаяу бұрқасын көтеріліп, жел күшейеді. Оңтүстікте көктайғақ болады.
Сонымен атап айтқанда, Ақмола облысының кей жерлерде тұман түседі, боран соғады. Жел қарқыны 15-20 м/с дейін күшейеді.
Жамбыл облысының кей жерлерінде тұман түсіп, көктайғақ болады. Күндіз боран соғады. Желдің екпіні – 15-20 м/с жетеді.
Түркістан, Шығыс Қазақстан облыстарының кей жерлерінде тұман түседі, жаяу бұрқасын көтеріледі. Күндіз жел екпіні 15-20 м/с жетеді. Түркістан облысының кей жерлерде көктайғақ болады.
Алматы облысының кей жерлерінде түнде және таңертең тұман түседі. Жалаңашкөл ауданында желдің күші – 15-20 м/с.
Батыс Қазақстан, Қостанай, Солтүстіқ Қазақстан, Павлодар, Қарағанды облыстарының кей жерлерінде тұман түседі.
Маңғыстау облысының кей жерлерінде жолда көктайғақ болады. Маңғыстау облысының солтүстігінде 22 градусқа дейін қатты аяз болуы мүмкін.
