Ақмола облысында «Рухани жаңғыру» бағдарламасы аясында тұрғындар арасында музей саласын кеңірек насихаттау мақсатында облыстық 2-ші «Үздік экскурсия жетекшісі» байқауы өтті, деп хабарлайды «Aqmola News».
Онлайн форматта өткен музей мамандары арасындағы конкурстқа облыстың әр түкпірінен 9 музей қызметкері қатысты. Үш кезеңге созылған байқауда музей қызметкерлері өздерінің шеберліктерін байқауға тырысты. Алғашқы кезеңде әр қатысушы портфолио әзірлесе, екінші кезеңде «Менің тарихым музейде» атты бейнеролик форматында экскурсия ұсынылды. Ал үшінші шешу кезеңде ZOOM платформасында «Өз ісінің шебері» әр деңгейдегі келушілерге экскурсия ұйымдастырудағы кәсіби шеберлігі мен біліктілігін көтерсетті», – деп атап өтті облыстық мәдениет, архивтер және құжаттамалар басқармасынан.
Байқаудың үш кезеңі және онлайн дауыс беру қорытындысы бойынша байқаудың бас жүлдесі Ақмола облыстық тарихи-өлкетану музейінің экскурсоводы Вероника Антипова жеңіп алды.
Ал Көкшетау қаласы тарихы музейінің қызметкері Айым Біләлова, Іляс Есенберлин әдеби мұражайының қызметкері Үмітжан Бекенова, Мәлік Ғабдуллин музейінің қызметкері Аягөз Махметова жүлдегерлер атанды. Байқау жеңімпаздары мен жүлдегерлері арнайы диплом және ақшалай сертификаттарға ие болды.
