Республика көлемінде Назарбаев зияткерлік мектептерінде Тұңғыш Президент күні қарсаңында дәстүрлі «Ұлы дала мұрагерлері» домбырашылар марафоны бастау алады. Бұл шараға көкшелік жас өнерпаздар да қатысады,-деп хабарлайды «Aqmola News».
Аталған мереке күні NIS-тің барлық YouTube арналарында домбырашылар өнер көрсетеді.
Көкшетаудағы Назарбаев зияткерлік мектебінің «Шаттық» ансамблінің орындауында Құрманғазының «Балбырауын», » Адай», Ә.Желдібаевтың «Ерке сылқым», Дәулеткерей Көрұғұлының шығармаларын орындайды.
Ансамбль жетекшісі Әділ Төреғожаның айтуынша, бүгінде дайындық қызған. Сабақ уақытынан тыс кезінде 10 орындаушыдан тұратын үйірме мүшелері тиянақты дайындық жүргізуде.
1-желтоқсанда Назарбаев Зияткерлік мектептерінде оқитын «Ұлы дала мұрагерлері» NIS-тің барлық YouTube арналарында Құрманғазы мен Дәулеткерейдің, Нұрғиса Тілендиевтің атақты күйлерін орындайды. ⠀
⠀
Айта кетерлігі, Тұңғыш Президент күні мерекесіне орай, еліміздің барлық зияткерлік мектептер желісінде ауқымды бағдарламалар жоспарланған.
Мереке күні Зияткерлік мектептерінде қашықтан ұйымдастырылған «Туған елге тағзым» тарихи-өлкетану- зерттеу экспедициясы да өз мәресіне жетпек.
