Ақмолалық шаңғышылардың қоржыны үш медальмен толықты. Спортшылар бір алтын, бір күміс және бір қола жүлдеге қол жеткізді, – деп хабарлайды «Aqmola News» Ақмола облысы дене шынықтыру және спорт басқармасының баспасөз қызметіне сілтеме жасап.
Щучинск қаласында шаңғымен жүгіруден ел чемпионаты жалғасуда. Кеше ерлер арасында 15 және әйелдер арасында 10 шақырымдық қашықтықта еркін стильде жүгіруден жеңімпаздар мен жүлдегерлер анықталды.
Ақмолалық спортшылар арасынан қарсыластарын шаң қаптырған Валерия Тюленева алтыннан алқа тақса, Олжас Климин күміс ал Евгений Величко қола жүлдеге ие болды, – деді облыстық спорт басқармасының баспасөз хатшысы Махаббат Большина.
