Дүйсенбі күні Қазақстанның басым бөлігінде жауын-шашын (жаңбыр, қар) жауады, Республиканың кей жерлерінде жел қарқыны – 15-20, солтүстік және оңтүстік өңірлерде екпіні 23-28 м/с жетеді. Тұман түседі, көктайғақ, солтүстік және шығыста жаяу бұрқасын көтеріледі. Тек оңтүстік-батыста жауын-шашынсыз ауа райы күтіледі, деп хабарлайды Қазгидромет.
Түркістан облысының таулы аймақтарында қатты жауын-шашын жауады.
Ақмола, Солтүстік Қазақстан, Қостанай, Павлодар, Қарағанды облыстарында жел екпіні – 23-28 м/с. Кей жерлерінде тұман түсіп, көктайғақ болады, жаяу бұрқасын соғады.
Жамбыл, Түркістан, Ақтөбе, Батыс Қазақстан облыстарының кей жерлерінде желдің жылдамдығы 15-20 м/с жетеді. Жамбыл, Ақтөбе облыстарында тұман түседі.
Алматы, Шығыс Қазақстан, Атырау, күндіз Маңғыстау, Қызылорда облыстарының кей жерлерінде жел қарқыны 15-25 м/с жетеді. Күндіз Қызылорда облысында шаңды дауыл соғады.
