Бұланды ауданында «Бота – 2015» компаниясы тәулігіне 600 тонна шикізат өңдейтін май зауытының құрылысын аяқтауға таяу. Зауыт соя, күнбағыс және рапстан май өндіруді жоспарлап отыр, деп хабарлайды «Aqmola News».
Зауыт жыл соңына дейін іске қосылмақ.
Бүгінде зауыттың құрылыс алаңында монтаждау жұмыстары жүріп жатыр. Теміржол арқылы вагондар келетін кіме жол да тартылыпты.
Зауытқа барлық технологиялық қондырғылар жеткізіліп, орнатылып қойды. Жоба отандық нарықты сапалы өніммен қамтамасыз етуге бағытталып отыр. Зауыт іске қосыла 80 адамға жұмыс орны құрылмақ, – дейді Бұланды ауданы әкімдігінен.
Зауыттың өндірістік қуаты тәулігіне 600 тоннаға дейін жетпек. Толық өндірістік циклде жұмыс істейтін кәсіпорын жергілікті майлы дақылдар өнімін өңдемек.
