Жақсы ауданында «Жұмыспен қамту жол картасы – 2020» мемлекеттік бағдарламасы шеңберінде Чапаевское селосындағы бөген жөндеуден өтті, деп хабарлайды «Aqmola News».
Нысанды қайта жаңғырту жұмыстарына Жақсы ауданының жұмыспен қамту орталығы арқылы 19 адам жұмысқа орналасып, жалпы 37 адам мен 18 бірлік техника жұмылдырылған.
Аталған нысан елдімекен тіршілігіне аса маңызды рөл атқарады. Көктемгі су тасқыны кезінде ағын су бөгенді шайып кететін. Аудандық әкімдік және «Шұңқыркөл» жауапкершілігі шектеулі серіктестігінің күшімен жыл сайын бөгенді жөндеу жұмыстары жасалады. Өйткені, аталған бөген ең алдымен Чапаевское селосы тұрғындарын ауыз сумен қамтамасыз етіп келеді. Мұнымен қоса бөген көрші ауылдарды су басу қаупінен құтқарады, – дейді Жақсы ауданы әкімдігінен.
Қазіргі уақытта аталған жоба бойынша жұмыстар толығымен аяқталған.
