Ақмола облысының салауатты өмір салтын қалыптастыру орталығының психологы Д.Иманбаева Көкшетау қаласының 55/10 әскери бөлімінің қызметкерлерімен семинар-тренинг өткізді, деп хабарлайды «Aqmola News».
Күйзеліске түсу, және оның салдарымен күресу тақырыбына бағытталған семинарда әскери адамдардың өмірге құлшынысы, ақпараттар ағынының әсері әңгімеге арқау болды.
Сыртқы факторлардың адамның ішкі жай-күйіне ықпалын тигізбес үшін күйзелісті жеңудің жолдары аталып өтті. Мекеме қызметкерлері еркін диалог құрып, күйзеліс жағдайынан қалай шығуға болатынын көрсетіп, тренингтік жаттығулар өткізді.
Өткізілген психологиялық тренинг әскерилердің позитивті ойларын қалыптастырып, өз эмоцияларын басқара білуге бағытталды, – дейді орталық мамандары.
