Егіндікөл ауданының орталығында «Нұрлы жер» бағдарламасы аясында 16 пәтерлі көпқабатты тұрғын үйдің құрылысы жүріп жатыр. Тұрғын үй әлеуметтік аз қамтылған және көпбалалы отбасыларға үлестіріледі,-деп хабарлайды «Aqmola News».
Ауданның баспасөз қызметінің мәліметінше, құрылысты жүргізіп жатқан мердігер Нұр-Сұлтан қаласынан «NurInvestGroup» жауапкершілігі шектеулі серіктестестігі.
Бүгінде құрылыс толық аяқталып, ішкі әрлеу жұмыстары жүргізілуде.
Үй салынып бітіп, тұрғындар қоныстанса, аудандағы кезек мәселесі алға жылжиды. Бұл үшін алдымен тұрғындар қуанатыны сөзсіз. Қазір үйдің есік терезелері орнатылып жатыр. Алдағы уақытта аудан орталығынан дәл осындай 36 пәтерлі тұрғын үй салынады деп жоспарлануда. Құрылыстың жобалық-сметалық құжаттамалары дайын,-дейді аудандық сәулет, құрылыс, тұрғын-үй коммуналдық жолаушылар тасымалы және автомобиль жолдары бөлімінің жетекшісі Марат Қарабұзауов.
Тұрғын үйдің салынуына облыстық бюджеттен қаражат бөлінген. Пайдалануға берілу мерзімі 30 қараша.
