Ақмола облысы әкімдігінің қолдауымен Ақмола облысында «Dombyra» ұлттық телеарнасы «Дәстүр мен ғұрып» арнайы жобасының аясында Ақмола облысында түсірілім жұмыстарын жүргізуде, деп хабарлайды «Aqmola News» Ақмола облысының мәдениет, архивтер және құжаттамалар басқармасына сілтеме жасап.
Түсірілім тобы барлық санитарлық талаптарды сақтай отырып, Бурабай ауданында ұлттық музыкалық шығармалар туралы түсірілім жасамақ.
Бүгін ұлттық музыка өнерінің Көкше өңіріне тән туындыларын паш ету мақсатында «Dombyra» ұлттық телеарнасының түсірілім тобы Бурабай ауданына келіп тоқтады. Іс-сапар барысында түсірілім тобы барлық санитарлық талаптарды сақтай отырып, өңірде танымал ұлттық өнер майталмандарының орындауында ертеден сақталған ұлттық музыкалық шығармалардың түсірілімін жүргізеді, – делінген басқарманың баспасөз хабарламасында.
Мәдениет, архивтер және құжаттамалар басқармасының, Көкшетау, Степногорск қалалары, Бурабай, Ақкөл, Ерейментау, Целиноград, Қорғалжын, Егіндікөл, Астрахан, Атбасар, Аршалы ауданары әкімдіктерінің ұйымдастыруымен орындаушылар ұлттық киіммен және қазақы үймен қамтамасыз етілді.
