Щучинск қаласында бүгін таңертең Абылайхан-Сейфуллин көшелерінің қиылысында болған жол апатынан екі бірдей жергілікті полиция қызметкерлері қаза болды, – деп хабарлайды «Aqmola News» Ақмола облысы полиция департаментінің баспасөз қызметіне сілтеме жасап.
«Мебелин» дүкенінің жанында «Lexus NX20» автокөлігінің жүргізушісі полиция бөлімінің «Lada-21214» қызметтік автокөлігін соққан.
«Lada-21214» қызметтік автокөлігінің жүргізушісі мен жолаушысы, Бурабай ауданының жергілікті полиция бөлімінің учаскелік полиция инспекторлары алған жарақаттардан жол-көлік оқиғасы болған жерде қайтыс болды. Қаза тапқан қызметкерлер қызметтік міндеттерін орындау кезінде болған және жол-көлік оқиғасы болған сәтте оқиға орнынан қайтып келе жатқан, – дейді Ақмола облысы полиция департаментінің баспасөз қызметінен.
Тергеу барысында күдіктінің жеке тұлғасы анықталды. Ол осыған дейін бірнеше мәрте Қазақстан Республикасы ҚК 200, 346-баптары бойынша сотталған, 2022 жылға дейін көлік құралын басқару құқығынан айырылған, Щучинск қаласының 25 жастағы тұрғыны болып шықты.
Қазіргі уақытта аталған факті бойынша Қазақстан Республикасы ҚК 345-бабының 4-бөлігі «Жол қозғалысы немесе көлік құралдарын басқару адамдарымен көлік құралын пайдалану ережелерін бұзу» бойынша сотқа дейінгі іс қозғалды, күдіктіге қатысты «Қамауда ұстау» процессуалдық мәжбүрлеу шарасы тағайындалды.
