Егіндікөл ауданында «Жұмыспен қамтудың жол картасы-2020» бағдарламасы бойынша 16 пәтерлі тұрғын үйдің құрылысы салынуда, – деп хабарлайды «Aqmola News».
Құрылыс жұмыстарына бюджеттен 141 миллион теңге бөлінген.
Егіндікөл ауданының әкімі мемлекеттік бағдарлама шеңберінде салынып жатқан үйдегі жұмыс барысын байқап, тиісті тапсырмалар жүктеді.
Қазіргі уақытта ғимараттың екінші қабаты аяқталуға таяу. Келесі аптада пластикалық терезелер орнатылып, шатырын жабу және ішкі әрлеу жұмыстары жоспарланады, – дейді аудан әкімі Ерлан Исабеков.
Әкім мердігер ұйымның жұмыс кестесінен артта қалғанын көрсетіп, шұғыл түрде қосымша жұмыс күштерін тартып, нысандағы құрылыс жұмыстарын жеделдетуді тапсырды.
