Ақкөл ауданының Азат ауылында су құбырларының желілерін жаңарту жүргізіліп жатыр. Аудан әкімі аталған ауылда болып сумен қамту жұмыстарының орындалу барысын назарға алды, – деп хабарлайды «Aqmola News».
Бүгінге дейін ауылда 17 655 метрді құрайтын су құбырлары мен екі су тарту ұңғымалары тартылған.
Қазіргі уақытта 2 көтеру станциясының құрылысы, су тарту және су құбыры құрылыстарының алаңдарын қоршау, электрмен жабдықтау, әрқайсысы 150 текше метрлік екі ауыз су резервуарларының құрылысы жүріп жатыр , – дейді аудан әкімі Алпысбай Қайыржанов.
Нысан толық пайдалануға берілгеннен кейін ауыл тұрғындары толығымен орталықтандырылған сумен қамтамасыз етілмек.
Қазан айында аяқталуы жоспарланған жұмыстар бойынша тексеріс жүргізген аудан әкімі мердігер компания «АП Импекс» жауапкершілігі шектеулі серіктестігіне құрылыс-монтаждау жұмыстарын уақытында әрі сапалы орындауды тапсырды.
