Сандықтау ауданындағы «Белгородское» жауапкершілігі шектеулі серіктестігі егін орағын толығымен аяқтады. Бүгін аудан әкімі өңірдегі іргелі шаруашылықты аралап, жұмысына назар аударды, – деп хабарлайды «Aqmola News».
Серіктестік күзгі егін ору науқанын толығымен аяқтаған. Биылғы астық көңілден шығып отыр. Жалпы, көлемі 9490 гектар егіс алқабынан шамамен 26,1 центнерден өнім алынған. Ауа райының қолайлылығы, бітік шыққан егінді дер уақытында жинап алуымызға мүмкіндік берді, – дейді серіктестік басшысы Артем Любимов.
Серіктестікке жұмыс сапарымен барған аудан әкімі Асқарбек Үйсімбаев кәсіпорынның жақында алған жаңа техникаларын көріп, кәсіпорын қызметімен танысты.
