Ақкөл ауданында «Бастау Бизнес» бағдарламасы арқылы кәсіпкерлік негіздерін оқыған қос құрбы Виктория Тохтарова мен Анжелика Мрыхина өз бизнес идеяларын жүзеге асырып, «Brаnd» атты жаңа сән салонын ашты, – деп хабарлайды «Aqmola News».
Майра ҚУАНЫШҚЫЗЫ
Мемлекеттік бағдарлама шеңберінде өз кәсібін ашуға ұмтылған жас кәсіпкерлерге аудандық кәсіпкерлер палатасы бизнес жоспарын құруға көмектескен. Осының арқасында қыздардың әрқайсысы 200 АЕК мөлшерінде қайтарымсыз грант алған.
Мемлекет әрқашан кәсіп ашып, өз бизнесін дамытуға қадам жасаған адамдарға қолдау көрсетеді. Осы жылдың көктемінде «Еңбек» бағдарламасына сәйкес кәсіпкерлікке оқытылған қыздар өз кәсібін ашуға мүмкіндік алды. Олар «Бастау Бизнес» бағдарламасы арқылы қажетті қаражат алды. Аудан орталығындағы жаңа салон иелеріне сәттілік пен бизнестерінің өркендеуін тілеймін, – дейді аудан әкімінің орынбасары Юрий Курушин.
Жыл сайын қыруар қаражат бөлінетін аталған бағдарлама «Атамекен » ұлттық кәсіпкерлер палатасы арқылы жүзеге асырылып келеді.
