Сейсенбі күні Қазақстанның басым бөлігінде күн райы ашық болады, деп хабарлайды «Aqmola News» Қазгидрометке сілтеме жасап.
8 қыркүйекте Қазақстанның басым бөлігіне антициклон әсер етеді, осыған байланысты күн райы ашық болады, тек еліміздің солтүстігінде, шығысында және орталығында атмосфералық ағынардың өтуіне байланысты құбылмалы ауа райы сақталады, кей жерлерде найзағай ойнап, жаңбыр жауады.
Еліміздің кей жерлерде тұман түсіп, жел күшейеді, жылдамдығы 15-20 м/с жетеді. Шығыс Қазақстан, Павлодар, күндіз Түркістан, Қызылорда, түнде Маңғыстау облыстарының кей жерлерінде жел 15-20 м/с күшейеді. Павлодар, Ақмола, Жамбыл, түнде Солтүстіқ Қазақстан, түнде және таңертең Шығыс Қазақстан облыстарының кей жерлерінде тұман түседі. Қарағанды, Жамбыл, Солтүстік Қазақстан, Ақмола облыстарының кей жерлерінде 1-3 градус үсік жүреді. Атырау, Қызылорда облыстарының басым бөлігінде, Қарағанды, Түркістан, Батыс Қазақстан, Ақтөбе облыстарының кей жерлерінде төтенше өрт қаупі сақталады.
