Көкшетауда қаланың ортасында жанармай бекеті жанында автокөлік отқа оранды. Өрт жанармай станциясына тиіп кетуге шақ қалды, – деп хабарлайды «Aqmola News» Ақмола облысының төтенше жағдайлар департаментінің баспасөз қызметіне сілтеме жасап.
Дегенмен өрт сөндірушілер дереу жетіп, арада бес минут аралығында өртті сөндіріп үлгерген.
«30 тамыз күні кешкі 19:17-де Көкшетау қаласы Центральный шағын ауданы 61 Б «Северная» жанармай бекетінде Mercedes Benz Sprinter маркалы автокөліктен өрт шықты. Өрттің салдарынан автокөліктің 5 шаршы метр шанақ бқлігі зақымданды. Өрттың шығу себептері мен шығын сомасы анықталу үстінде» деді Ақмола облысы төтенше жағдайлар департаментінің бастығы Алексей Советов.
