Ақмола облысының әкімі Ермек Маржықпаев Конституцияның 25 жылдығына орай Макинск қаласында жаңадан салынған 105 пәтерлі үйдің кілтін иелеріне табыс етті, – деп хабарлайды «Aqmola News».
Майра ҚУАНЫШҚЫЗЫ
Облыс әкімі бұландылықтарды Қазақстан Республикасының Конституциясы күнімен құттықтай келе, мереке қарсаңында баспаналы болған азаматтарға пәтер кілттерін табыс етті.
«Құрметті жерлестер! Сіздерді Конституция күнімен шын жүректен құттықтаймын. Еліміздің саясатының негізгі бағыттарының бірі әрбір қазақстандықтың баспаналы ету болып табылады. Мереке күніне орай 105 бұландылық отбасы «Нұрлы жер» бағдарламасы шеңберінде пәтерге ие болып отыр. Отбасыларыңызға ырыс пен береке тілеймін. Мерекелеріңіз құтты болсын! – деді Ермек Маржықпаев.
