Біржан сал ауданы бойынша 27 мектеп бар, оның ішінде 4 мектеп қашықтықтан оқыту режимін жоспарлап отыр.
Өңірде 1199 бала қашықтықтан оқыса, ал, штаттық режимде 1302 оқушы білім алмақ деп жоспарлануда.
Аудан мектептерінің барлығында жаңа оқу жылына дайындық жүргізілді. Қашықтықтан оқитын оқушылар компьютерлік техникамен қамтамасыз етілді. Штаттық режимде оқытатын мектептерде қауіпсіздік шараларын жүргізіу жұмыстары әзірленді. Індеттің алдын алуға арналған барлық қажеттіліктер әкелінді,-дейді аудандық білім бөлімінің жетекшісі Руслан Әбдікенов.
Сонымен қатар ауданда тауарлар мен көрсетілетін қызметтердің сапасы мен қауіпсіздігін бақылау басқармасы білім беру бөлімімен бірлесіп, мектептердің жаңа 2020-2021 оқу жылына дайындығы мәселесі бойынша бірлескен сапарлар өткізуде.
