Осыдан бірнеше күн бұрын полиция қызметкерлері, ерікті азаматтар жұмылып іздеу салған 13 жасар Әйгерім Хайдарованың өлі денесін полиция қызметкерлері тапты, – деп хабарлайды «Aqmola News» Ақмола облысының полиция департаментінің баспасөз қызметіне сілтеме жасап.
Бүгін кешкі сағат 17:45-те қала маңындағы ормандарды сүзіп шыққан Көкшетау қаласының полиция қызметкерлері Краснояр селосынан 5 шақырым шамасында жерге көміліп тасталған Әйгерім Хайдарованың мәйітін тапты.
Естеріңізге сала кетсек, 21 тамызда із-түзсіз жоғалған Әйгерім Хайдароваға қатысты Көкшетау қаласының полиция басқармасымен сотқа дейінгі тергеу амалдары басталған. 25 тамызда іс қылмыстық кодекстің 99 бабы бойынша «Адам өлтіру» бабына ауыстырылған.
Тергеу амалдары жалғасуда.
