Зеренді ауданының әкімі Бауыржан Ғайса бірнеше ауылдық округтарда болып, жолдар мен әлеуметтік нысандарды жөндеу жұмыстарының барысымен танысты, – деп хабарлайды «Aqmola News».
Майра ҚУАНЫШҚЫЗЫ
Зеренді ауылдық округына жұмыс сапарында алдымен Зеренді-Көктерек автожолындағы ағымдағы жөндеу жұмыстарының жүргізілуін назарға алды. Шағалалы ауылдық округында орта мектепте болып күрделі жөндеу ісін тексерді.
Қазіргі уақытта мектептің есіктері орнатылып, линолеумдер төселді. Жұмыстар аяқталуға жақын.
Шағалалы ауылындағы Нұрлы көш көшесіндегі су өткізу қондырғыларындағы ағымдағы жөндеу жұмыстары, Садовый ауылындағы Заречное ауылындағы Шағалалы өзеніндегі көпірдің құрылысы бақыланды. Сапар соңында тиісті округ әкімдері мен мердігерлік ұйымдардың басшыларына жөндеу жұмыстарын уақытында орындауға тапсырма берді.
