Көкшетау қаласының әкімі Амангелді Смайыловтың қатысуымен «Жомарт жүрек» премиясын табыстау рәсімі өтті, деп хабарлайды Aqmola News.
Марапаттау мақсаты – бизнес құрылымдарының өкілдерін, меценаттар,қала тұрғындарын, еріктілерді өздерінің кішкентай Отанын дамытуға атсалысып, азаматтық белсенділіктің озық тәжірибелерін таратуға, қайырымдылық идеяларын кеңінен насихаттауға бағытталған.
«Жомарт жүрек» сыйлығы жыл сайын халықтың, бизнес өкілдерінің, меценаттардың, үкіметтік емес ұйымдардың жетістіктері үшін беріледі.
«Туған өлке» номинациясында кәсіпкер Ерлік Өмірғали, «Жыл меценаты» номинациясында «Той-Дастархан» ЖШС басшысы Елена Мащинская, «Жыл тұлғасы» номинациясы бойынша кәсіпкер Ерсайын Ғабдуллин, «Ерен еріктілік» номинациясында «Достар» мәдениет сарайы директорының орынбасары Ауғанбаева Екатерина марапатталды. «Жылдың үздік ұйымы» номинациясы бойынша «Көкшетауминводы» АҚ ұжымы марапатталды.
