Ерейментау ауданында екінші жел электр станциясы пайда болмақ. «Самрұқ-Энерго» холдингінің «Ereymentau Wind Power» компаниясымен салынып жатқан баламалы энергия көзі 50 мВт қуат күшімен Ұлттық электр желісіне түседі, – деп хабарлайды «Aqmola News».
Майра ҚУАНЫШҚЫЗЫ
Жаңа жоба құрылысына 100-ге тарта жергілікті тұрғындар жұмыспен қамтылған. Станцияны пайдалануға беру кезеңінде 16 адам қызмет көрсетпек.
Сарапшылардың айтуынша, Алматы облысында және Ақмола облыстарында пайда болатын желэлектр станциялары «Жасыл энергетика» технологиясын енгізуге мол мүмкіндік жасайды.
Осыған дейін төрт-бес жыл бұрын жел электр станциясы алғаш рет орнатылған. Екінші жоба құрылысы бұл салада алға ілгерілеушіліктің зор екендігін айқындай түседі. Осыдан кейін қомақты инвестициялық сомаға үшінші жоба да жүзеге асырылмақ. Барлық қаражат түгел мемлекет есебінен емес, жеке инвестициядан бөлініп отыр, Салынып жатқан жоба ауданның экономикасына да сүбелі үлес қосып, әрі жергілікті халықты жұмыспен қамтиды. Жаңартылған энергия көздерінің экологиялық таза әрі болашағы зор болатынына сенімдімін, – дейді Ерейментау ауданының әкімі Абай Әлжанов.
