Ақмолада ХҚКО-ның жұмыс кестесі қайта өзгерді. Ақмола облысы бас санитар дәрігерінің соңғы қаулысына сәйкес облыстың барлық халыққа қызмет көрсету орталықтары дүйсенбіден жұмаға дейін 9-18.00- ге дейін, сенбі күндері 9-14.00-ге дейін жұмыс істейтін болды, – деп хабарлайды «Aqmola News».
Жаңа кестеге сәйкес халыққа қызмет көрсету бөлімдерінде азаматар сенбі күніне 13.30-ге дейін кезектерді броньдай алады.
Қаулыға сәйкес кезекті egov.kz, Telegram бот EgovKzBot2.0 немесе 1414 телефондары бойынша броньдауға болады.
Сонымен қатар, облыс ХҚКО-да маскалық режим әлі де болса сақталады. Келушілерге әлеуметтік арақашықтық сақтау ұсынылады.
